Paano i-retrieve ang nakalimutang PRC LERIS Online Password

Hindi ka ba makapag log-in saiyong PRC LERIS online account dahil nalimutan mo ang iyong password?

Hindi maiwasang makalimutan natin ang ating password dahil narin sa katagalan na di natin pagbisita sa PRC website. Para makapaglog-in sa inyong account, piliting alalahanin ang email address na iyong inilagay noong ginawa mo ang iyong PRC online account.

Narito ang paraan para mareset mo ang iyong PRC password:

Unang Hakbang: Bisitahin ang PRC website

👉 Bisitahin ang PRC website sa https://www.prc.gov.ph/, sa kaliwang bahagi ng iyong screen pindutin ang kahit anong link sa Registration eServices.

👉 Kapag nasa PRC Online Services ka na, i-click ang SIGN-IN, kasunod ay FORGOT PASSWORD.

Pangalawang Hakbang: I-type ang iyong Email Address

👉 I-type ang iyong ang email address na ginamit mo noong ginawa mo ang iyong account. Pagkatapos, i-check ang box ng I'm not a robot. Basahin ang nakalagay na note, tyaka i-click ang SUBMIT.

Ikatlong Hakbang: I-check ang iyong Email

👉 Buksan ang inyong email address at buksan ang isinend ng PRC na Password Reset Insruction. Pagkatapos ay i-click ang link o ang CLICK HERE TO RESET PASSWORD.

Ika-apat na Hakbang: I-reset ang iyong PRC Password

👉 Pagkaclick mo ng link ikaw ay dederetso sa page kung saan pwede mo ng i-reset ang iyong password. Mag-isip ng password at i-type ito, siguraduhin na ang ipapalit mong password ay madali mong maaalala . Kasunod, i-check ang box ng I’m not a robot at i-click ang SUBMIT.

👉 Pagkasubmit mo, lalabas sa iyong screen ang confirmation notice at i-click lang YES. Lalabas ang notification na sinasabing successful ang iyong pagpapalit ng password tyaka i-click ang OK button.

Panglimang Hakbang: Maglog-in gamit ang iyong bagong Password

👉 Pagkaclick mo ng OK button, lalabas ang isa pang pop-up message, i-click lang ang CLICK TO REDIRECT TO HOMEPAGE button para pumunta sa sign-in page ng PRC.