Paano mag-apply ng PagIBIG Salary Loan

Ang PagIBIG Salary Loan or Multi-Purpose Loan ay isang programa na nagbibigay tulong pinansyal sa mga miyembro ng PagIBIG. 

Narito ang inyong dapat gawin:

Unang Hakbang:
Alamin ang mga kaylangan para maging kwalipikado

📌    Ikaw ay dapat na nakapaghulog ng hindi bababa sa 24 monthly contributions o savings.
📌    Ikaw ay dapat nakakapaghulog ng kahit “isa” sa iyong contribution sa huling anim (6) buwan.
📌    Kung ikaw ay may umiiral pang PagIBIG loan, hindi dapat ito “default” sa petsa ng aplikasyon.
📌    Ikaw ay mayroong sapat na patunay ng iyong kinikita (income).
📌    Photocopy ng dalawang (2) Valid IDs.

Pangalawang Hakbang:
Alamin kung magkano ang pwede mong mahiram

Ang mga kwalipikadong miyembro ay maaaring makahiram ng halaga batay sa mga sumusunod:
📍    Ang nais mong halaga.
📍    Loan Entitlement na 80% ng iyong Total Accumulated Value (TAV). Alamin ang kabuuan o total ng iyong contributions, at 80% nun ang maari mong hiramin.
📍    Borrower’s Net Take Home Pay (NTHP) o ang iyong kapasidad na makapagbayad.

Pangatlong Hakbang:
Mag-fill up ng Multi-Purpose Loan Application Form (MPLAF)

👉    Maaring makuha ang application form sa kahit saang PagIBIG branch at maari ring i-download sa PagIBIG website

Narito ang link: https://www.pagibigfund.gov.ph/document/pdf/dlforms/providentrelated/SLF065_MultiPurposeLoanApplicationForm_V04.pdf

👉    Kompletuhin ang “Promissory Note” na makikita sa pinakababa o ilalim ng form. Kaylangan ng dalawang witness para pumirma sa form. Kapag kapamilya ang pipirma, siguraduhing ang kanilang apilyedo ay iba sa iyo.
👉    Tapusin ang Certificate of Net Pay Details. Ito ay makikita sa pangalawang pahina ng application form.
👉    Kapag ikaw naman ay self-employed, kaylangan ng photocopy ng iyong Business Mayor’s Permit, Commission Vouchers at iba pang magpapatunay ng iyong kinikita (income).
👉    Wag kalimutang i-attach ang photocopy ng iyong payroll account/disbursement card/deposit slip.

Pang-apat na Hakbang:
Ipasa ang iyong Application Form sa PagIBG office

✅    Ipasa ang kompletong application form at mga dokumentong kaylangan sa pinakamalapit na sangay ng PagIBIG. Ikaw ay bibigyan ng PagIBIG Citi Prepared Card, dito ihuhulog ang iyong hiniram (loan).
✅    Ang pag-proseso ay karaniwang inaabot ng isa o dalawang linggo. Kapag ang iyong contribution ay “consolidated,” ito ay aabutin ng hanggang 23 working days.

Ika-limang Hakbang:
Maari mo ng makuha ang iyong hiniram sa pamamagitan ng mga sumusunod:

💰    Sa iyong PagIBIG disbursement card
💰    Sa iyong bank account gamit ang Landbank’s payroll credit system
💰    Cheque na nakapangalan sa iyo, atbp.

Narito ang kadalasang tanong ukol sa PagIBIG Salary Loan or Multi-Purpose Loan, i-click ang LINK at basahin: https://www.issuesph.com/2020/12/mga-dapat-malaman-ukol-sa-pag-ibig-fund.html

Source: PagIBIG Fund